Demens
Talet på personar med demens aukar, fordi det blir fleire eldre blant oss. Vi oppmodar alle til å lære meir om demens.
Diagnose
Alzheimers sykdom
Alzheimers sykdom er en hjernesykdom som særlig rammer eldre, og den er den hyppigste årsaken til demens.Henvisning og vurdering
Fastlege i samarbeid med demens- eller hukommelsesteam i kommunen utreder, diagnostiserer, behandler og følger opp vanlig demens.
Utgreiing
Ved mistanke om demens, og før pasienten blir vist til spesialisthelsetenesta, skal fastlegen utføre basis-utgreiing i samsvar med Nasjonal Retningslinje om demens.
Demens - geriatrisk poliklinikk
Behandling
Det blir forska intenst på Alzheimers sjukdom, men inntil vidare finst det ingen medisin som heilar sjukdommen. Det finst medisinsk behandling som kan dempe og bremse symptoma hos somme.
Ein viktig del av behandlinga er aktiv bruk av miljø og omgivnader. Minnestimulerande terapi (HST) er ei relativt ny behandlingsform, som har vist gode resultat.
Medisinsk behandling
Medisin kan dempe symptoma, men verknaden varierer frå pasient til pasient. Dei mest brukte legemidla verkar ved at dei bremsar nedbrytinga av acetylkolin, som er ein signalsubstans hjernecellene bruker for å overføre signal til andre celler. Memantin har liknande effekt, men verkar ved å påverke andre signalsystem.
Helsedirektoratet har tilrådingar for medisinering for Alzheimer-pasientar.
Oppfølging
Etter å ha fått diagnosen Alzheimers sjukdom, er det viktig å leggje til rette for best mogleg meistring av situasjonen for pasient og pårørande gjennom:
- opplæring av pasient, pårørande og eventuelt helsepersonell rundt pasienten
- tilpassa mental og fysisk aktivitet
- tidleg samtale om viktige framtidige avgjerder om medisinar, økonomiske og juridiske spørsmål, deltaking i forsking og liknande.
- vurdering av helsekrav for førarkort
- huskehjelpemiddel – mange med denne sjukdommen vil ha redusert minne som hovudsymptom i byrjinga
- å få hjelp til å meistre uro, agitasjon og vrangførestillingar
Nasjonalforeininga for folkehelsa har mange ulike tilbod.
Redusere risiko
Alzheimers sjukdom gir auka risiko for ei rekkje tilstandar som fall, underernæring og depresjon. Ein viktig del av oppfølginga er derfor risikoreduserande tiltak innanfor desse områda.
- leggje til rette for god søvn
- førebyggje depresjon (til dømes gjennom lysbehandling eller fokusere på interesser og meiningsfull aktivitet for å motverke passivitet)
- ulik velferdsteknologi («lokaliseringsteknologi» (GPS), kalender, komfyrvakt m.m.) vil vere formålstenleg
- fokusere på å redusere stress og uvisse, med god tilrettelegging av kvardagen
- betre syn og høyrsel
Forsiktig bruk av alkohol, fordi ein hjerne med sjukdom reagerer annleis på alkohol enn ein frisk hjerne.
Situasjonen til dei pårørande
Når ein person får diagnosen Alzheimers sjukdom, kan det opplevast som ei krise også for dei pårørande. Sjukdommen vil innebere ei stor byrde knytt til omsorg for dei næraste. For deg som gir omsorg, speler du ei stor rolle i livet til personen med Alzheimers sjukdom, så det er viktig at du tek vare på deg sjølv og di eiga helse. Du kan ha auka risiko for søvnvanskar, depresjon og andre helseplager. Alle som gir slik omsorg treng tid utan dette ansvaret, og det er viktig å få og ta imot hjelp. Det kan vere å få meir kunnskap gjennom kurs for pårørande og avlastande tiltak frå familie, venner, aktivitetsvenn, dagsenter, korttidsopphald eller liknande/anna.
Trass utfordringar er det viktig å leggje til rette for gode stunder saman. Det kan hjelpe å lage ei liste over situasjonar og aktivitetar som har gitt og framleis kan gi glede.
Kunnskap om sjukdommen
Kunnskap om sjukdommen er viktig. Oppfølging frå kommune- og spesialisthelseteneste bør innebere tilbod om opplæring til pasient og pårørande. Kommunane skal også ha eit tilrettelagt aktivitetstilbod for pasientgruppa.
Kvar kommune har eigne «Hukommelsesteam»/demenskoordinatorar som har oversikt over dei ulike tilboda for pasient- og pårørandegruppa. Du kan ta kontakt med desse.
Du kan lese meir om symptom, undersøkingar og behandlingstiltak i den nasjonale retningslinja: Demens - Helsedirektoratet
Kontakt
-
Kontakt Alderspsykiatri, Sykehuset Levanger
Sykehuset Levanger
Kirkegata 2
7601 Levanger
Praktisk informasjon
-
Kontakt Alderspsykiatri, Sykehuset Namsos
Sykehuset Namsos
Havikvegen 8
7803 Namsos
Transport
Praktisk informasjon
Kurs
- Demens - Gruppebehandlingstilbud til yngre pasienter med demenssykdom og deres pårørendeEt behandlingstilbud for deg som er nydiagnostisert med demenssykdom og primært er under 65 år.Demens - Gruppebehandlingstilbud til yngre pasienter med demenssykdom og deres pårørendeDato kommer